Alarm i rrejshëm bombe në hotelin e Katherine Heigl

Katherine Heigl dhe Gerard Butler janë detyruar të largohen nga hoteli Four Season në Los Angeles gjatë të shtunës, pas një kërcënimi me bombë.Dy aktorët ishin në hotel për të promovuar filmin e tyre të ri “The Ugly Truth”, kur atyre dhe 400 mysafirëve të tjerë iu tha të largohen.

Dyshja, të cilët luajnë producenten e shout dhe korrespondentin në filmin romantik, kaluan ca kohë jashtë hotelit, para se të zhvendosen për të restorantin Il Cielo.

Sipas policisë kërcënimi me bombë është bërë me anë të telefonit, megjithëse asnjë detal tjetër nuk është zbuluar. Policia ka arritur në skenë shpejt dhe ka filluar kërkimin për eksploziv, por nuk është gjetur asnjë gjë e dyshimtë.

Hoteli është rihapur pas dy orësh.