Firefox së shpejti me një miliardë shkarkime

Pas vetëm disa javësh pasi ka prezantuar versionin e fundit të Firefox-it (3.5), Mozilla është duke u përgatitur të festojë.Në fakt, sipas paralajmërimeve, është afër edhe shkarkimi numër një miliardë i këtij softueri për shikimin e Internetit.

Në faqet e Firefox është vendosur një numërues që tregon se sa herë është shkarkuar ai, ku për momentin shifra arrin në 976,546,842.

Në 24 orët e para pas lëshimit të versionit 3.5, Firefox është shkarkuar plot pesë milionë herë. Versioni i mëparshëm, Firefox 3, ishte shkarskuar tetë milionë herë brenda 24 orësh.