Masakër në Durrës, Dritan Dajti vret 4 policë

Një tragjedi e vërtetë ka ndodhur të premten në qytetin e Durrësit rreth orës 14:20, ku janë vrarë katër policë dhe një person tjetër gjatë një aksioni për arrestimin e njeriut më të kërkuar në Shqipëri, Dritan Dajtit.
Dritan Dajti strehohej në afërsi të këtij plazhi së bashku me dy miq të tij të ngushtë. Mbi Dritan Dajtin rëndojnë një mori akuzash, si vrasje dhe rrëmbime.

Ai ishte arratisur disa vjet më parë nga gjykata e Tiranës. Burime të pakonfirmuara nga polica thanë se gjatë thirrjes për t'u dorëzuar, Dajti ka qëlluar me armë skuadrën e policisë duke shkaktuar vdekjen e katër policëve dhe të një personi tjetër.

Gjatë shkëmbimit të zjarrit mbeti i plagosur rëndë edhe vetë autori i tragjedisë, Dritan Dajti. Autori ndodhet në spitalin e qytetit ku po i nënshtrohet një operacioni. Ndërkohë, në vendngjarje janë plagosur edhe dy persona të tjerë, të cilët nga të dhënat e fundit janë jashtë rrezikut për jetën.

Zbardhen emrat e katër policëve të vrarë në Durrës

Janë zbardhur emrat e katër policëve të vrarë nga Dritan Dajti në plazhin “Iliria”, në Durrës. Emrat e punonjësve të rendit janë: Fatos Xhani, 48 vjeç; Altin Dizdari, 33 vjeç; Saimir Duçkollari, 32 vjeç dhe Kastriot Fesko, 40 vjeç.

Nuk është konfirmuar ende nëse viktima tjetër, 23 vjeçari nga Lushnja, Ledion Mara, ishte kunati i Dajtit apo jo. Ndërkohë, mësohet se është arrestuar drejtuesi i makinës me të cilën udhëtonte Dritan Dajti, i cili strehohej në një banesë pranë pistës iliria në Durrës

Masakër në Durrës, Dritan Dajti vret 4 policë F_080713

Masakër në Durrës, Dritan Dajti vret 4 policë F_080713

» Police Bike