Angli, viziton 26 kryeqytete të Evropës pa asnjë lek në xhep

Një britanik nga Sussex ka vizituar 26 kryeqytete të Evropës gjatë këtyre 6 muajve të fundit, pa shpenzuar asnjë cent. Kris Mole, 24-vjeçar i premtoi tetos së tij se do t’i besojë vetëm mirësisë dhe bujarisë së njerëzve të huaj gjatë udhëtimit prej 10 mijë miljesh. Ai kërkon të mbledhë para për kërkimet kundër kancerit. Ai ka fjetur në ashensorë, ka kaluar ditë pa një kafshatë në gojë dhe madje ka fjetur në natyrë kur nuk i është ofruar asnjë shtrat. Kris, nga Southwick, teto e të cilit vdiq nga kanceri një javë para nisjes, thotë: “Ajo që më ka nxitur të vazhdoj është mendimi i saj”.